السلام عليكم كاملين ومبروك عواشركم، أنا مريم من سطات بغيت نشارك معاكم ونتكلم ليكم على مشكلتي وتعاونوني بشي حل، أنا كنبغي واحد البنت بزاف، ماشي كنبغيها بحال الناس بشكل عادي، أنا وهي كنبغيو بعضياتنا وكنحبو بعضنا، لحقاش احنا سحاقيات بجوج ولكن المشكلة هي أننا كنشوف راسنا مخنوقين بالنظرات ديال المجتمع، ديما كنعيشوا في السر وما نقدروش نعلنو على الحب ديالنا للناس، بحال الدول الأخرى، ما كرهتش نتزوجها ونعيشوا كوبل بلا مشاكل ونمارسو حياتنا الزوجية بلا هضرة الناس، عارفة غادين تقولو لي حرام والآخرة وكذا وكذا ولكن آش نعمل هادي راها حاجة كبرات معانا ماليناش دخل فيها، أنا راه ما كنحملش يلمسني شي راجل وما كنحس جهة الرجال والو، واش فهمتوني راه احنا بشر وما لينا حتى دخل في الميولات ديالنا، واش نسافرو للخارج ونتزوجو أو نبقاو بالمغرب
إرسال تعليق